ਜਗਰਾਉਂ, 18 ਜਨਵਰੀ ( ਬਲਦੇਵ ਸਿੰਘ)-ਲਾਇਨਜ਼ ਕਲੱਬ ਜਗਰਾਓਂ ਵੱਲੋਂ ਅਤੇ ਵਿਵੇਕ ਕਲੀਨਿਕ ਲੋਪੋ ਡਾਲਾ ਅਗਵਾੜ ਜਗਰਾਓਂ ਦੇ ਸਹਿਯੋਗ ਸਦਕਾ ਮੈਗਾ ਮੈਡੀਕਲ ਕੈਂਪ ਮਿਤੀ 22 ਜਨਵਰੀ ਨੂੰ ਸਵੇਰੇ 11 ਵਜੇ ਤੋਂ ਬਾਅਦ ਦੁਪਹਿਰ 2 ਵਜੇ ਤੱਕ ਲਗਾਇਆ ਜਾ ਰਿਹਾ ਹੈ।ਇਸ ਸੰਬੰਧੀ ਕਲੱਬ ਦੇ ਪ੍ਰਧਾਨ ਡਾਕਟਰ ਪਰਮਿੰਦਰ ਸਿੰਘ ਅਤੇ ਸਕੱਤਰ ਪ੍ਰਿੰਸੀਪਲ ਚਰਨਜੀਤ ਸਿੰਘ ਭੰਡਾਰੀ ਨੇ ਦੱਸਿਆ ਕਿ ਇਸ ਕੈਂਪ ਵਿੱਚ ਜਨਰਲ ਸਰੀਰਕ ਬਿਮਾਰੀਆਂ ਦਾ ਚੈੱਕ ਅੱਪ, ਦੰਦਾਂ ਦੀਆਂ ਬਿਮਾਰੀਆਂ ਦਾ ਚੈੱਕ ਅੱਪ ਅਤੇ ਦਵਾਈਆਂ ਵੀ ਦਿੱਤੀਆਂ ਜਾਣਗੀਆਂ। ਹੱਡੀਆਂ ਅਤੇ ਜੋੜਾਂ ਦੇ ਦਰਦਾਂ ਦਾ ਚੈੱਕ ਅੱਪ ਅਤੇ ਇਲਾਜ ਡਾਕਟਰਾਂ ਦੀ ਵਿਸ਼ੇਸ਼ ਟੀਮ ਕਰੇਗੀ। ਡਾਕਟਰ ਰੱਜਤ ਖੰਨਾ ਨੇ ਇਹ ਵੀ ਦੱਸਿਆ ਕਿ ਇਸ ਸਮੇਂ ਅੱਖਾਂ ਦੇ ਚੈੱਕ ਅੱਪ ਕਰਨ ਉਪਰੰਤ ਲੋੜਵੰਦ ਮਰੀਜਾਂ ਨੂੰ ਮੁਫ਼ਤ ਐਨਕਾਂ ਵੀ ਲਾਈਆਂ ਜਾਣਗੀਆਂ। ਇਸ ਸਮੇਂ ਯੂਰਿਕ ਐਸਿਡ, ਸ਼ੂਗਰ ਦੇ ਟੈਸਟ ਮੁਫ਼ਤ ਕੀਤੇ ਜਾਣਗੇ।ਇਸ ਸਮੇਂ ਡਾਕਟਰ ਰਾਹੁਲ ਗੋਇਲ , ਡਾਕਟਰ ਰਜਤ ਖੰਨਾ, ਡਾਕਟਰ ਧਰਮਿੰਦਰ ਮੱਲੀ, ਅਮਿਤ ਸਿਆਲ ਅਤੇ ਮਨਦੀਪ ਸਿੰਘ ਆਪਣੀਆਂ ਸੇਵਾਵਾਂ ਨਿਭਾਉਣਗੇ।
