ਸੁਨਾਮ(ਭਗਵਾਨ ਭੰਗੂ)ਪੰਜਾਬ ਦੇ ਸੂਚਨਾ ਤੇ ਲੋਕ ਸੰਪਰਕ ਮੰਤਰੀ ਅਮਨ ਅਰੋੜਾ ਨੇ ਦੱਸਿਆ ਹੈ ਕਿ ਵਿਧਾਨ ਸਭਾ ਹਲਕਾ ਸੁਨਾਮ ਦੇ ਕਿਸਾਨਾਂ ਵਿੱਚ ਨਵੇਂ ਮੋਿਘਆਂ ਦੀ ਤਜਵੀਜ਼ ਤੇ ਖਾਲਾਂ ਨੂੰ ਜ਼ਮੀਨਦੋਜ਼ ਕਰਨ ਬਾਰੇ ਜਾਗਰੂਕਤਾ ਕੈਂਪ ਤਿੰਨ ਮਾਰਚ ਤੋਂ ਕਲੱਸਟਰ ਪੱਧਰ ਤੇ ਸ਼ੁਰੂ ਕੀਤੇ ਜਾਣਗੇ । ਉਨ੍ਹਾਂ ਦੱਸਿਆ ਕਿ ਮੁੱਖ ਮੰਤਰੀ ਸ਼੍ਰੀ ਭਗਵੰਤ ਮਾਨ ਦੀ ਅਗਵਾਈ ਹੇਠ ਪੰਜਾਬ ਸਰਕਾਰ ਲੋਕਾਂ ਨੂੰ ਉਹਨਾਂ ਦੇ ਘਰਾਂ ਨਜ਼ਦੀਕ ਸਰਕਾਰੀ ਸੇਵਾਵਾਂ ਮੁੱਹਈਆ ਕਰਵਾਉਣ ਲਈ ਵਚਨਬੱਧ ਹੈ ਅਤੇ ਇਹ ਕੈਂਪ ਵੀ ਲੋਕਾਂ ਦੀ ਸੁਵਿਧਾ ਹਿਤ ਪਿੰਡ ਪਿੰਡ ਜਾ ਕੇ ਲਗਾਏ ਜਾਣਗੇ। ਉਹਨਾਂ ਕਿਹਾ ਕਿ ਕੋਟਲਾ ਬ੍ਾਂਚ ਪੋ੍ਜੈਕਟ ਅਧੀਨ ਹਲਕਾ ਸੁਨਾਮ ਦੇ 47 ਪਿੰਡਾਂ ਦੇ 192 ਨਹਿਰੀ ਮੋਿਘਆਂ ਦੇ ਕੱਚੇ ਖਾਲਾਂ ਦੀ ਜਗ੍ਹਾ ‘ਤੇ ਅੰਡਰਗਰਾਊਂਡ ਪਾਈਪਲਾਈਨ ਪਾਉਣ ਜਾਂ ਪੱਕੇ ਖਾਲ ਬਣਾਉਣ ਲਈ ਕਰੀਬ 68 ਕਰੋੜ ਰੁਪਏ ਦਾ ਪੋ੍ਜੈਕਟ ਪੰਜਾਬ ਜਲ ਸਰੋਤ ਪ੍ਰਬੰਧਨ ਤੇ ਵਿਕਾਸ ਕਾਰਪੋਰੇਸ਼ਨ ਵੱਲੋਂ ਚਲਾਇਆ ਜਾ ਰਿਹਾ ਹੈ ਜਿਸ ਦੇ ਪਹਿਲੇ ਪੜਾਅ ਵਜੋਂ ਹਲਕਾ ਸੁਨਾਮ ਦੇ 64 ਪਿੰਡਾਂ ਨੂੰ ਕਲੱਸਟਰਾਂ ਵਿੱਚ ਵੰਡ ਕੇ ਜਾਗਰੂਕਤਾ ਕੈਂਪ ਲਗਾਏ ਜਾਣਗੇ। ਅਮਨ ਅਰੋੜਾ ਨੇ ਦੱਸਿਆ ਕਿ ਹਲਕਾ ਸੁਨਾਮ ਦੇ ਪਿੰਡਾਂ ਵਿਚ ਲੱਗਣ ਵਾਲੇ ਕੈਂਪਾਂ ਦੌਰਾਨ ਮਾਹਿਰਾਂ ਵੱਲੋਂ ਕਿਸਾਨਾਂ ਨੂੰ ਨਹਿਰੀ ਪਾਣੀ ਦੀ ਵਧੇਰੇ ਵਰਤੋਂ ਕਰਨ ਦੇ ਫਾਇਦਿਆਂ ਬਾਰੇ ਜਾਣਕਾਰੀ ਦਿੱਤੀ ਜਾਵੇਗੀ ਤਾਂ ਜੋ ਉਹ ਜ਼ਮੀਨ ਹੇਠਲੇ ਪਾਣੀ ਦੇ ਡਿੱਗ ਰਹੇ ਪੱਧਰ ਨੂੰ ਰੋਕਣ ਦੀ ਮੁਹਿੰਮ ਵਿੱਚ ਯੋਗਦਾਨ ਪਾਉਂਦੇ ਹੋਏ ਭਵਿੱਖ ਵਿੱਚ ਨਹਿਰੀ ਪਾਣੀ ਨਾਲ ਹੀ ਖੇਤੀ ਕਰਨ ਨੂੰ ਤਰਜੀਹ ਦੇ ਸਕਣ। ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦਿਆਂ ਐਕਸੀਅਨ ਇੰਜੀ: ਦਮਨਦੀਪ ਸਿੰਘ ਨੇ ਦੱਸਿਆ ਕਿ 3 ਮਾਰਚ ਨੂੰ ਕਲੱਸਟਰ ਬਡਰੁੱਖਾਂ, ਬਹਾਦਰਪੁਰ, ਦੁੱਗਾਂ, ਲਿੱਦੜਾਂ ਤੇ ਭੰਮਾਬੱਦੀ, 4 ਮਾਰਚ ਨੂੰ ਕਲੱਸਟਰ ਲੌਂਗੋਵਾਲ, ਲੋਹਾਖੇੜਾ, ਕੁੰਨਰਾਂ, ਕਿਲਾ ਭਰੀਆਂ, 6 ਮਾਰਚ ਨੂੰ ਕਲੱਸਟਰ ਸ਼ੇਰੋਂ, ਨਮੋਲ, ਸ਼ਾਹਪੁਰ ਕਲਾਂ, ਝਾੜੋਂ ਤੇ ਬੀਰਕਲਾਂ, 7 ਮਾਰਚ ਨੂੰ ਕਲੱਸਟਰ ਚੀਮਾ, ਤੋਲਾਵਾਲ, ਕੋਟਲਾ ਅਮਰੂ, ਚੌਵਾਸ, 9 ਮਾਰਚ ਨੂੰ ਕਲੱਸਟਰ ਸੁਨਾਮ, ਲਖਮੀਰਵਾਲਾ, ਭਰੂਰ, ਚੱਠਾ ਨਕਟੇ ਤੇ ਅਕਾਲਗੜ੍ਹ, 10 ਮਾਰਚ ਨੂੰ ਕਲੱਸਟਰ ਉਭਾਵਾਲ, ਉਪਲੀ, ਚੱਠੇ ਸੇਖਵਾਂ, ਤੁੰਗਾਂ, ਕੁਲਾਰ ਖੁਰਦ ਤੇ ਕਨੋਈ, 11 ਮਾਰਚ ਨੂੰ ਕਲੱਸਟਰ ਈਲਵਾਲ, ਗੱਗੜਪੁਰ, ਖੇੜੀ, ਬਲਵਾੜ ਕਲਾਂ, ਬਲਵਾੜ ਖੁਰਦ, ਖੁਰਾਣਾ, ਸੋਹੀਆਂ, ਕੰਮੋਮਾਜਰਾ, 13 ਮਾਰਚ ਨੂੰ ਕਲੱਸਟਰ ਢੱਡਰੀਆਂ, ਰੱਤੋਕੇ, ਸਾਹੋਕੇ, ਮੰਡੇਰ ਖੁਰਦ, ਬੁੱਗਰ, ਦਿਆਲਗੜ੍ਹ, ਤੋਗਾਵਾਲ, 14 ਮਾਰਚ ਨੂੰ ਕਲੱਸਟਰ ਸੰਘੇੜੀ, ਨਾਗਰਾ, ਅਕਬਰਪੁਰ ਅਤੇ ਬਿਜਲਪੁਰ ਅਤੇ 15 ਮਾਰਚ ਨੂੰ ਕਲੱਸਟਰ ਸੁਨਾਮ, ਘਾਸੀਵਾਲਾ, ਬਿਗੜਵਾਲ, ਚੱਠੇ ਨਕਟੇ, ਕੁਲਾਰ ਖੁਰਦ, ਅਕਾਲਗੜ੍ਹ ਵਿਖੇ ਕਲੱਸਟਰ ਪੱਧਰੀ ਕੈਂਪ ਲਗਾਏ ਜਾਣਗੇ।
