ਅੰਮ੍ਰਿਤਸਰ-,9 ਅਪ੍ਰੈਲ ( ਭਗਵਾਨ ਭੰਗੂ, ਲਿਕੇਸ਼ ਸ਼ਰਮਾਂ)-ਜ਼ਿਲ੍ਹਾ ਅੰਮ੍ਰਿਤਸਰ ਦਿਹਾਤੀ ਪੁਲਿਸ ਨੇ ਹਥਿਆਰਾਂ ਦੀ ਵੱਡੀ ਖੇਪ ਸਮੇਤ 16 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਨ੍ਹਾਂ ‘ਚ 4 ਗੈਂਗਸਟਰ ਵੀ ਸ਼ਾਮਿਲ ਹਨ।ਐੱਸ.ਪੀ. (ਡੀ) ਮਨੋਜ ਠਾਕੁਰ ਨੇ ਪੁਲਿਸ ਲਾਈਨ ਵਿਖੇ ਪ੍ਰੈੱਸ ਕਾਨਫ਼ਰੰਸ ਦੱਸਿਆ ਕਿ ਪੁਲਿਸ ਨੇ ਇਨ੍ਹਾਂ ਤੋਂ 7 ਰਾਈਫਲ ਤੇ 7 ਪਿਸਤੌਲ ਬਰਾਮਦ ਕੀਤੇ ਹਨ ਅਤੇ ਤਿੰਨ ਗੱਡੀਆਂ ਵੀ ਜ਼ਬਤ ਕਰ ਲਈਆਂ ਹਨ। ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਐਸ.ਐਚ.ਓ ਸਮੇਤ ਸਾਥੀ ਕਰਮਚਾਰੀਆਂ ਮੋੜ ਬਾਬਾ ਬਕਾਲਾ ਸਾਹਿਬ ਮੌਜੂਦ ਸੀ ਕਿ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਉਕਤ ਦੋਸ਼ੀਆਨ ਜੋ ਕਿ ਇਸ ਵਕਤ ਕਲਾਨੌਰੀ ਢਾਬੇ ਜੀ.ਟੀ ਰੋਡ ਬਿਆਸ ਬੈਠੇ ਹੋਏ ਹਨ ਜਿੰਨਾ ਪਾਸ ਕਾਫੀ ਮਾਤਰਾ ਵਿੱਚ ਹਥਿਆਰ ਅਤੇ ਗੋਲੀ ਸਿੱਕਾ ਹੈ ਇਹ ਆਦਮੀ ਨਜਾਇਜ਼ ਕਲੋਨੀਆਂ ਦੇ ਕਬਜੇ ਦਿਵਾਉਂਦੇ ਹਨ।ਇਹਨਾਂ ਪਾਸ ਜੋ ਗੱਡੀਆਂ ਹਨ ਹੋ ਸਕਦਾ ਹੈ ਕਿ ਉਹ ਚੋਰੀ ਦੀਆਂ ਹੋਣ ਇਹਨਾਂ ਆਦਮੀਆ ਵਿੱਚੋਂ ਕਈ ਆਦਮੀ ਕਰੀਮਿਨਲ ਕਿਸਮ ਦੇ ਗੈਂਗਸਟਰ ਹਨ।ਇਹ ਇੰਨੇ ਵਿਅਕਤੀ ਹਥਿਆਰਾਂ ਨਾਲ ਲੈਸ ਹੋ ਕੇ ਮਾਨਯੋਗ ਡੀ.ਸੀ ਸਾਹਿਬ ਹੁਕਮਾਂ ਦੀ ਵੀ ਉਲੰਘਣਾ ਕਰ ਰਹੇ ਹਨ ਜੋ ਸਮਾਂ 08:30 ਪੀ.ਐਮ ਪਰ ਤੁਰੰਤ ਰੇਡ ਕਰਕੇ ਦੋਸ਼ੀ ਬਲਵਿੰਦਰ ਪਾਸੋਂ 12 ਬੋਰ ਪੰਪ ਐਕਸ਼ਨ ਰਾਇਫਲ ਅਤੇ 32 ਬੋਰ ਦਾ ਪਿਸਟਲ ਸਮੇਤ ਮੈਗਜ਼ੀਨ ਤਿੰਨਾ ਮੈਗਜ਼ੀਨਾਂ ਵਿੱਚੋਂ 32 ਬੋਰ ਦੇ 15 ਰੌਂਦ ਅਤੇ ਪੰਪ ਐਕਸ਼ਨ ਵਿੱਚੋਂ ਤਿੰਨ ਕਾਰਤੂਸ ਬ੍ਰਾਮਦ ਹੋਏ, ਪ੍ਰਭਜੀਤ ਸਿੰਘ ਪਾਸੋ 32 ਬੋਰ ਪਿਸਟਲ ਇੱਕ ਮੈਗਜ਼ੀਨ ਸਮੇਤ 05 ਰੌਦ ਅਤੇ 315 ਬੋਰ ਰਾਈਫਲ ਇੱਕ ਮੈਗਜ਼ੀਨ ਸਮੇਤ 15 ਰੋਦ, ਜਰਮਨਜੀਤ ਸਿੰਘ 32 ਬੋਰ ਪਿਸਟਲ 01 ਮੈਗਜੀਨ ਸਮੇਤ 05 ਰੋਂਦ ਬ੍ਰਾਮਦ ਹੋਏ, ਗੁਰਦੀਪ ਸਿੰਘ ਪਾਸੋ ਪਿਸਟਲ 32 ਬੋਰ 01 ਮੈਗਜ਼ੀਨ ਸਮੇਤ 05 ਰੌਦ ਅਤੇ ਰਾਈਫਲ 315 ਬੋਰ 01 ਮੈਗਜ਼ੀਨ ਸਮੇਤ 05 ਰੋਦ ਬ੍ਰਾਮਦ ਹੋਏ , 5 ਗੁਰਪ੍ਰੀਤ ਸਿੰਘ ਪੁੱਤਰ ਸੋਹਣ ਸਿੰਘ ਉਕਤ ਪਾਸੋ ਰਾਈਫਲ 315 ਬੋਰ 01 ਮੈਗਜ਼ੀਨ ਸਮੇਤ 05 ਰੋਦ ਬ੍ਰਾਮਦ ਹੋਏ,6ਰੁਪਿੰਦਰ ਸਿੰਘ ਪੁੱਤਰ ਗੁਰਮੇਲ ਸਿੰਘ ਉਕਤ ਪਾਸੋ ਰਾਈਫਲ 315 ਬੋਰ ਇੱਕ ਮੈਗਜ਼ੀਨ ਸਮੇਤ 05 ਰੌਂਦ , 7. ਮਨਜਿੰਦਰ ਸਿੰਘ ਪੁੱਤਰ ਹਰਜੀਤ ਸਿੰਘ ਉਕਤ ਪਾਸੋ 32 ਬੋਰ ਪਿਸਟਲ 1 ਮੈਗਜ਼ੀਨ ਸਮੇਤ 5 ਰੋਂਦ ਬ੍ਰਾਮਦ ਹੋਏ , 8. ਗਗਨਦੀਪ ਸਿੰਘ ਪੁੱਤਰ ਕੁਲਵੰਤ ਸਿੰਘ ਉਕਤ ਪਾਸੋ 30 ਬੋਰ ਪਿਸਟਲ 02 ਮੈਗਜ਼ੀਨ ਸਮੇਤ 16 ਰੋਦ 30 ਬੋਰ ਬ੍ਰਾਮਦ ਹੋਏ , 9 . ਮਨਪ੍ਰੀਤ ਸਿੰਘ ਪੁੱਤਰ ਰਣਜੀਤ ਸਿੰਘ ਉਕਤ ਪਾਸੋਂ ਇੱਕ ਸਪਰਿੰਗ ਫੀਲਿਡ ਰਾਈਵਲ ਸਮੇਤ ਰੌਂਦਾ ਵਾਲਾ ਬੈਗ ਜਿਸ ਵਿੱਚ 30 ਰੌਂਦ ਬਾਮਦ ਹੋਏ , 10 , ਗੁਰਪ੍ਰੀਤ ਸਿੰਘ ਗੋਪੀ ਉਕਤ ਪਾਸੋਂ 32 ਬੋਰ ਪਿਸਟਲ ਇੱਕ ਮੈਗਜ਼ੀਨ 5 ਰੌਦ , 11 , ਬੇਅੰਤ ਸਿੰਘ ਉਕਤ ਪਾਸੋਂ ਪੰਪ ਐਕਸ਼ਨ ਰਾਈਫਲ ਸਮੇਤ 02 ਕਾਰਤੂਸ 12 ਬੋਰ ਬ੍ਰਾਮਦ ਹੋਏ ਜੋ ਉਕਤ ਸਾਰੇ ਬ੍ਰਾਮਦ ਹੋਏ ਇੱਕ ਹੀ ਫਰਦ ਰਾਹੀ ਬਤੌਰ ਵਜ੍ਹਾ ਸਬੂਤ ਕਬਜਾ ਪੁਲਿਸ ਕਬਜਾ ਵਿੱਚ ਲਿਆ, ਜੋ ਮੌਕਾ ਪਰ ਕੋਈ ਵੀ ਵਿਅਕਤੀ ਇਹਨਾਂ ਹਥਿਆਰਾ ਦਾ ਲਾਇਸੰਸ ਪੇਸ਼ ਨਹੀਂ ਕਰ ਸਕਿਆ।ਬਾਅਦ ਵਿੱਚ ਮੁਲਜ਼ਮਾਂ ਦੇ ਕਹਿਣ ’ਤੇ ਤਿੰਨ ਕਾਰਾਂ ਵੀ ਬਰਾਮਦ ਕੀਤੀਆਂ ਗਈਆਂ। ਇਸ ਗੱਲ ਦਾ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਉਕਤ ਮੁਲਜ਼ਮਾਂ ਵੱਲੋਂ ਪਿਛਲੇ ਸਮੇਂ ਦੌਰਾਨ ਕਿੰਨੀਆਂ ਲੁੱਟਾਂ-ਖੋਹਾਂ ਅਤੇ ਘਰਾਂ ‘ਤੇ ਕਬਜ਼ਾ ਕਰਨ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਗਿਆ ਹੈ। ਐਸਪੀ ਜਗਜੀਤ ਸਿੰਘ ਵਾਲੀਆ ਨੇ ਦੱਸਿਆ ਕਿ ਗਰੋਹ ਦੇ ਹੋਰ ਮੈਂਬਰਾਂ ਦੀ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਇਸ ਗੱਲ ਦਾ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਮੁਲਜ਼ਮਾਂ ਨੇ ਉਕਤ ਹਥਿਆਰਾਂ ਦੀ ਖੇਪ ਕਿੱਥੋਂ ਅਤੇ ਕਿੰਨੇ ਵਿੱਚ ਖਰੀਦੀ ਸੀ।
