ਜਗਰਾਓਂ, 17 ਜਨਵਰੀ ( ਅਨਿਲ ਕੁਮਾਰ )-ਸਥਾਨਕ ਸਿੱਧੂ ਗੈਸ ਸਰਵਿਸ ਜਗਰਾਉਂ ਦੇ ਡਾਇਰੈਕਟਰ ਰਾਜਿੰਦਰ ਸਿੰਘ ਸਿੱਧੂ ਨੇ ਦੱਸਿਆ ਕਿ ਹਿੰਦੁਸਤਾਨ ਪੈਟਰੋਲੀਅਮ ਕਾਰਪੋਰੇਸ਼ਨ ਲਿਮਟਿਡ ਦੀਆਂ ਹਦਾਇਤਾਂ ਅਨੁਸਾਰ ਹੁਣ ਐਲਪੀਜੀ ਗੈਸ ਖਪਤਕਾਰਾਂ ਲਈ ਈ-ਕੇਵਾਈਸੀ ਕਰਵਾਉਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ।ਜਿਹੜੇ ਖਪਤਕਾਰ ਈ-ਕੇਵਾਈਸੀ ਨਹੀਂ ਕਰਵਾਉਣਗੇ ਉਨ੍ਹਾਂ ਦੇ ਕੁਨੈਕਸ਼ਨ ਬੰਦ ਹੋ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਜਦੋਂ ਕਰਮਚਾਰੀ ਘਰੇਲੂ ਗੈਸ ਦੀ ਡਿਲੀਵਰੀਕਰਨ ਲਈ ਘਰ ਆਉਣ ਤਾਂ ਗੈਸ ਸਿਲੰਡਰ ਲੈਣ ਸਮੇਂ ਆਪਣਾ ਗੈਸ ਕਾਰਡ ਅਤੇ ਆਧਾਰ ਕਾਰਡ ਜ਼ਰੂਰ ਦਿਖਾਉਣ। ਜਿਨ੍ਹਾਂ ਲੋਕਾਂ ਦੇ ਨਾਂ ’ਤੇ ਗੈਸ ਕਾਰਡ ਹੈ, ਉਥੇ ਸਟਾਫ ਖੁਦ ਈ-ਕੇਵਾਈਸੀ ਕਰੇਗਾ। ਇਸ ਤੋਂ ਇਲਾਵਾ ਖਪਤਕਾਰ ਏਜੰਸੀ ’ਤੇ ਪਹੁੰਚ ਕੇ ਵੀ ਆਪਣਾ ਈ-ਕੇਵਾਈਸੀ ਕਰਵਾ ਸਕਦੇ ਹਨ।
