ਕਿਸਾਨ ਵੀਰਾਂ ਨੂੰ ਕੋਈ ਵੀ ਸਮੱਸਿਆ ਨਹੀਂ ਆਉਣ ਦੇਵਾਂਗੀ-ਬੀਬੀ ਮਾਣੂੰਕੇ
ਜਗਰਾਉਂ, 23 ਅਪ੍ਰੈਲ ( ਰਾਜੇਸ਼ ਜੈਨ, ਭਗਵਾਨ ਭੰਗੂ)-ਹਲਕਾ ਜਗਰਾਉਂ ਦੇ ਪਿੰਡਾਂ ਦੇ ਕਿਸਾਨਾਂ ਵੱਲੋਂ ਵਿਧਾਇਕਾ ਬੀਬੀ ਸਰਵਜੀਤ ਕੌਰ ਮਾਣੂੰਕੇ ਨੂੰ ਮਿਲਕੇ ਮੰਗ ਕੀਤੀ ਸੀ, ਕਿ ਉਹ ਵੱਖ ਵੱਖ ਪ੍ਰਕਾਰ ਦੀਆਂ ਸਬਜ਼ੀਆਂ ਅਤੇ ਆਲੂਆਂ ਦੀ ਕਾਸ਼ਤ ਕਰਦੇ ਹਨ। ਪਰੰਤੂ ਬਿਜਲੀ ਸਪਲਾਈ ਨਾ ਮਿਲਣ ਕਾਰਨ ਉਹਨਾਂ ਦੀਆਂ ਸਬਜ਼ੀਆਂ ਤੇ ਆਲੂਆਂ ਦੀਆਂ ਫ਼ਸਲਾਂ ਤੇਜ਼ ਧੁੱਪ ਹੋਣ ਕਾਰਨ ਤਬਾਅ ਹੋ ਰਹੀਆਂ ਹਨ। ਇਸ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਹਲਕਾ ਜਗਰਾਉਂ ਦੇ ਵਿਧਾਇਕਾ ਸਰਵਜੀਤ ਕੌਰ ਮਾਣੂੰਕੇ ਬਿਜਲੀ ਵਿਭਾਗ ਦੇ ਉਚ ਅਧਿਕਾਰੀਆਂ ਨਾਲ ਰਾਬਤਾ ਕਾਇਮ ਕੀਤਾ ਅਤੇ ਡਿਪਟੀ ਚੀਫ਼ ਇੰਜਨੀਅਰ ਲੁਧਿਆਣਾ ਵੱਲੋਂ ਹੁਕਮ ਜਾਰੀ ਕਰਕੇ ਸਬਜ਼ੀਆਂ ਦੀ ਖੇਤੀ ਮਨਜ਼ੂਰੀ ਦੇ ਦਿੱਤੀ ਹੈ। ਵਿਧਾਇਕਾ ਸਰਵਜੀਤ ਕੌਰ ਮਾਣੂੰਕੇ ਨੇ ਆਖਿਆ ਕਿ ਉਹ ਕਿਸਾਨ ਵੀਰਾਂ ਨੂੰ ਕੋਈ ਵੀ ਸਮੱਸਿਆ ਨਹੀਂ ਆਉਣ ਦੇਣਗੇ ਅਤੇ ਉਹ ਕਿਸਾਨੀ ਮਸਲੇ ਹੱਲ ਕਰਵਾਉਣ ਲਈ ਅੱਗੇ ਹੋ ਕੇ ਯਤਨ ਕਰਨਗੇ। ਉਹਨਾਂ ਦੱਸਿਆ ਕਿ ਸਬਜ਼ੀਆਂ ਦੀ ਕਾਸ਼ਤ ਕਰਨ ਵਾਲੇ ਜਿਹੜੇ ਕਿਸਾਨਾਂ ਨੇ ਉਹਨਾਂ ਦੇ ਕੋਲ ਮੰਗ ਰੱਖੀ ਸੀ, ਉਸ ਅਨੁਸਾਰ ਧੋਥੜ ਦਿਹਾਤੀ ਫੀਡਰ, ਜਨੇਤਪੁਰਾ, ਦਿਹਾਤੀ, ਸੋਢੀਵਾਲ ਦਿਹਾਤੀ, ਬਰਸਾਲ ਦਿਹਾਤੀ, ਬਰਸਾਲ-2 ਦਿਹਾਤੀ, ਗਗੜਾ ਦਿਹਾਤੀ, ਮਲਸੀਹਾਂ ਭਾਈਕਾ ਦਿਹਾਤੀ, ਚੀਮਨਾਂ ਦਿਹਾਤੀ, ਸ਼ੇਰਪੁਰ ਦਿਹਾਤੀ, ਸ਼ੇਖਦੌਲਤ ਦਿਹਾਤੀ, ਗਾਲਿਬ ਦਿਹਾਤੀ, ਤੱਪੜ ਹਰਨੀਆਂ ਦਿਹਾਤੀ, ਪੋਨਾਂ ਦਿਹਾਤੀ, ਬੀੜ ਗਗੜਾ ਦਿਹਾਤੀ, ਲੀਲਾਂ ਦਿਹਾਤੀ, ਤਰਫ਼ ਕੋਟਲੀ ਦਿਹਾਤੀ, ਅਗਵਾੜ ਡਾਲਾ ਦਿਹਾਤੀ, ਬੁਜ਼ਗਰ ਦਿਹਾਤੀ, ਸੰਗਤਪੁਰਾ ਦਿਹਾਤੀ, ਮਦਾਰਪੁਰਾ ਦਿਹਾਤੀ, ਮਲਸੀਹਾਂ ਬਾਜਣ ਦਿਹਾਤੀ, ਨਾਨਕਸਰ ਦਿਹਾਤੀ, ਨਾਨਕਸਰ-2 ਦਿਹਾਤੀ, ਨਾਨਕਸਰ-3 ਦਿਹਾਤੀ, ਗਾਲਿਬ ਰਣ ਸਿੰਘ ਦਿਹਾਤੀ, ਗਾਲਿਬ ਖੁਰਦ ਦਿਹਾਤੀ, ਕਿਲੀ ਚਾਹਲਾਂ ਦਿਹਾਤੀ, ਸ਼ੇਰਪੁਰ ਦਿਹਾਤੀ ਆਦਿ ਫੀਡਰਾਂ ਤੋਂ ਦਿਨ ਸਮੇਂ ਬਿਜਲੀ ਸਪਲਾਈ ਦਿੱਤੀ ਜਾਵੇਗੀ। ਵਿਧਾਇਕਾ ਮਾਣੂੰਕੇ ਨੇ ਹੋਰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਜੇਕਰ ਹੋਰ ਵੀ ਸਬਜ਼ੀਆਂ ਆਦਿ ਦੀ ਕਾਸ਼ਤ ਕਰਨ ਵਾਲੇ ਕਿਸਾਨਾਂ ਨੂੰ ਬਿਜਲੀ ਸਬੰਧੀ ਸਮੱਸਿਆ ਹੈ, ਤਾਂ ਉਹ ਆਪਣੇ ਏਰੀਏ ਦੇ ਐਸ.ਡੀ.ਓ. ਅਤੇ ਐਕਸੀਅਨ ਨੂੰ ਮਿਲਣ। ਜੇਕਰ ਫੇਰ ਵੀ ਕੋਈ ਹੱਲ ਨਹੀਂ ਹੁੰਦਾ ਤਾਂ ਉਹਨਾਂ ਨੂੰ ਮਿਲਕੇ ਸਮੱਸਿਆ ਦੱਸਣ ਅਤੇ ਸਬਜ਼ੀਆਂ ਸਬੰਧੀ ਬਿਜਲੀ ਸਪਲਾਈ ਦਾ ਪਹਿਲ ਪੱਧਰ ਤੇ ਹੱਲ ਕੀਤਾ ਜਾਵੇਗਾ। ਇਸ ਮੌਕੇ ਉਹਨਾਂ ਦੇ ਨਾਲ ਪ੍ਰੋਫੈਸਰ ਸੁਖਵਿੰਦਰ ਸਿੰਘ, ਅਮਰਦੀਪ ਸਿੰਘ ਟੂਰੇ, ਕੁਲਵਿੰਦਰ ਸਿੰਘ ਕਾਲਾ, ਪ੍ਰੀਤਮ ਸਿੰਘ ਅਖਾੜਾ, ਗੁਰਪ੍ਰੀਤ ਸਿੰਘ ਨੋਨੀ, ਸਰਪੰਚ ਗੁਰਨਾਮ ਸਿੰਘ ਭੈਣੀ, ਸੋਨੀ ਕਾਉਂਕੇ, ਸਰਪੰਚ ਸੁਰਜੀਤ ਸਿੰਘ ਜਨੇਤਪੁਰਾ, ਸਨੀ ਬੱਤਰਾ, ਕੁਲਵੰਤ ਸਿੰਘ ਕਮਲ ਆਦਿ ਵੀ ਹਾਜ਼ਰ ਸਨ।
