ਕਿਨੌਰ/ ਹਿਮਾਚਲ ਪ੍ਰਦੇਸ਼, 17 ਜਨਵਰੀ ( ਬਿਊਰੋ)-ਹਿਮਾਚਲ ਪਰਦੇਸ਼ ਦੇ ਕਿਨੌਰ ‘ਚ ਬੁੱਧਵਾਰ ਨੂੰ ਇਕ ਬੋਲੈਰੋ ਗੱਡੀ 300 ਮੀਟਰ ਡੂੰਘੀ ਖਾਈ ‘ਚ ਡਿੱਗ ਗਈ। ਇਸ ਹਾਦਸੇ ਵਿੱਚ 5 ਨੌਜਵਾਨਾਂ ਦੀ ਮੌਤ ਹੋ ਗਈ। ਖਾਈ ਇੰਨੀ ਡੂੰਘੀ ਸੀ ਕਿ ਬੋਲੈਰੋ ਪਲਟ ਕੇ ਸਤਲੁਜ ਕੰਢੇ ਪਹੁੰਚ ਗਈ। ਨੌਜਵਾਨਾਂ ਦੀਆਂ ਲਾਸ਼ਾਂ ਨੂੰ ਰੱਸੀ ਨਾਲ ਬੰਨ੍ਹ ਕੇ ਬਾਹਰ ਕੱਢੀਆ ਗਈਆਂ। ਇਸ ਤੋਂ ਬਾਅਦ ਲਾਸ਼ਾਂ ਨੂੰ ਰੇਕਾਂਗ ਪੀਓ ਹਸਪਤਾਲ ਭੇਜ ਦਿੱਤਾ ਗਿਆ। ਇਸ ਹਾਦਸੇ ਚ ਮ੍ਰਿਤਕਾਂ ਦੀ ਪਛਾਣ ਕਲਪਾ ਕਿਨੌਰ ਦੇ ਅਭਿਸ਼ੇਕ (23), ਖਵਾਨਗੀ ਦੇ ਤਨੁਜ (22), ਸ਼ੌਗ ਸਾਂਗਲਾ ਦੇ ਅਰੁਣ (29), ਸਪਨੀ ਸੰਗਲਾ ਦੇ ਉਪੇਂਦਰ (24) ਅਤੇ ਚਰਨਗ ਪਿੰਡ ਦੇ ਸਮੀਰ (25) ਵਜੋਂ ਹੋਈ ਹੈ। ਸਾਰੇ ਨੌਜਵਾਨ ਕਿਨੌਰ ਦੇ ਸ਼ੁਦਰੰਗ ਵਿੱਚ ਮਹਿੰਦਰਾ ਦੇ ਸ਼ੋਅਰੂਮ ਵਿੱਚ ਕੰਮ ਕਰਦੇ ਸਨ। ਇਹ ਸਾਰੇ ਨੌਜਵਾਨ ਬੋਲੈਰੋ ‘ਚ ਸਾਂਗਲਾ ਜਾ ਰਹੇ ਸੀ। ਉਸੇ ਸਮੇਂ ਕਾਰ ਖਾਈ ‘ਚ ਡਿੱਗ ਗਈ।
ਪੁਲੀਸ ਅਨੁਸਾਰ ਬੋਲੈਰੋ ਗੱਡੀ ਰੇਹੜੀ ਪੀਓ ਤੋਂ ਸਾਂਗਲਾ ਵੱਲ ਜਾ ਰਹੀ ਸੀ। ਇਸ ਦੌਰਾਨ ਕਾਰ ਡੂੰਘੀ ਖਾਈ ਵਿੱਚ ਜਾ ਡਿੱਗੀ। ਇਹ ਹਾਦਸਾ ਸ਼ੂਦਰੰਗ ਤੋਂ ਕਰੀਬ 5 ਕਿਲੋਮੀਟਰ ਅੱਗੇ ਵਾਪਰਿਆ। ਸਥਾਨਕ ਲੋਕਾਂ ਨੇ ਹਾਦਸੇ ਦੀ ਸੂਚਨਾ ਦਿੱਤੀ। ਇਸ ਤੋਂ ਬਾਅਦ ਟੀਮ ਮੌਕੇ ‘ਤੇ ਪਹੁੰਚ ਗਈ।
ਬੋਲੈਰੋ ਬਹੁਤ ਹੇਠਲੇ ਪੱਧਰ ‘ਤੇ ਪਹੁੰਚ ਗਈ ਸੀ। ਕਾਰ ਦੇ ਪਰਖੱਚੇ ਉੱਡ ਗਏ। ਨੌਜਵਾਨਾਂ ਦੀਆਂ ਲਾਸ਼ਾਂ ਸਤਲੁਜ ਦੇ ਕਿਨਾਰੇ ਪਈਆਂ ਸਨ। ਸਥਾਨਕ ਲੋਕਾਂ ਦੀ ਮਦਦ ਨਾਲ ਲਾਸ਼ਾਂ ਨੂੰ ਰੱਸੀ ਨਾਲ ਬੰਨ੍ਹ ਕੇ ਸੜਕ ‘ਤੇ ਲਿਆਂਦਾ ਗਿਆ। ਇਸ ਤੋਂ ਬਾਅਦ ਉਸ ਨੂੰ ਪੋਸਟਮਾਰਟਮ ਲਈ ਹਸਪਤਾਲ ਭੇਜ ਦਿੱਤਾ ਗਿਆ। ਘਟਨਾ ਦੀ ਸੂਚਨਾ ਮ੍ਰਿਤਕ ਨੌਜਵਾਨ ਦੇ ਪਰਿਵਾਰ ਵਾਲਿਆਂ ਨੂੰ ਦੇ ਦਿੱਤੀ ਗਈ ਹੈ।ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਹਾਦਸਾ ਕਿਵੇਂ ਹੋਇਆ ਇਸ ਬਾਰੇ ਅਜੇ ਤੱਕ ਕੋਈ ਸੁਰਾਗ ਨਹੀਂ ਮਿਲ ਸਕਿਆ ਹੈ। ਮੁੱਢਲੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਬੋਲੈਰੋ ਬੇਕਾਬੂ ਹੋ ਗਈ ਸੀ।
