ਜਗਰਾਉਂ, 26 ਦਸੰਬਰ ( ਮੋਹਿਤ ਜੈਨ, ਅਸ਼ਵਨੀ)-ਲੋਕ ਸੇਵਾ ਸੋਸਾਇਟੀ ਦੀ ਸਾਲ 2023 ਦੀ ਨਵੀਂ ਟੀਮ ਦਾ ਐਲਾਨ ਹੋਇਆ| ਸਨੇਹ ਮੋਹਨ ਹੋਟਲ ਜਗਰਾਉਂ ਵਿਖੇ ਸੁਸਾਇਟੀ ਦੇ ਸਦਾ-ਬਹਾਰ ਚੇਅਰਮੈਨ ਗੁਲਸ਼ਨ ਅਰੋੜਾ ਦੀ ਪ੍ਰਧਾਨਗੀ ਹੇਠ ਨਵੀਂ ਐਲਾਨੀ ਗਈ ਟੀਮ ਵਿੱਚ ਕੰਵਲ ਕੱਕੜ ਨੂੰ ਪ੍ਰਧਾਨ, ਰਾਜਿੰਦਰ ਜੈਨ ਨੂੰ ਸਰਪ੍ਰਸਤ, ਕੁਲਭੂਸ਼ਣ ਗੁਪਤਾ ਨੂੰ ਸੈਕਟਰੀ, ਸੁਨੀਲ ਬਜਾਜ ਨੂੰ ਕੈਸ਼ੀਅਰ ਨਿਯੁਕਤ ਕਰਨ ਦੇ ਨਾਲ ਪ੍ਰਿੰਸੀਪਲ ਚਰਨਜੀਤ ਸਿੰਘ ਭੰਡਾਰੀ ਨੂੰ ਪ੍ਰਾਜੈਕਟ ਚੇਅਰਮੈਨ, ਸੁਖਜਿੰਦਰ ਸਿੰਘ ਢਿੱਲੋਂ ਨੂੰ ਵਾਈਸ ਚੇਅਰਮੈਨ, ਰਾਜੀਵ ਗੁਪਤਾ ਰਾਜੂ ਨੂੰ ਪ੍ਰਾਜੈਕਟ ਕੈਸ਼ੀਅਰ, ਮਨੋਹਰ ਸਿੰਘ ਟੱਕਰ ਨੂੰ ਸੀਨੀਅਰ ਵਾਈਸ ਪ੍ਰਧਾਨ, ਡਾ ਵਿਵੇਕ ਗੋਇਲ ਤੇ ਰਾਜਿੰਦਰ ਜੈਨ ਕਾਕਾ ਨੰੂ ਵਾਈਸ ਪ੍ਰਧਾਨ, ਪ੍ਰਵੀਨ ਮਿੱਤਲ, ਇਕਬਾਲ ਸਿੰਘ ਕਟਾਰੀਆ ਤੇ ਲਾਕੇਸ਼ ਟੰਡਨ ਨੂੰ ਸਪੈਸ਼ਲ ਸਲਾਹਕਾਰ ਟੂ ਪ੍ਰੈਜ਼ੀਡੈਂਟ, ਪ੍ਰੇਮ ਬਾਂਸਲ ਨੂੰ ਜੁਆਇੰਟ ਸੈਕਟਰੀ, ਅਨਿਲ ਮਲਹੋਤਰਾ ਨੂੰ ਜੁਆਇੰਟ ਕੈਸ਼ੀਅਰ, ਸਰਜੀਵਨ ਗੁਪਤਾ ਤੇ ਪ੍ਰਸ਼ੋਤਮ ਅਗਰਵਾਲ ਨੂੰ ਫ਼ੰਡ ਰੇਜਿੰਗ ਕਮੇਟੀ ਮੈਂਬਰ, ਸੁਖਦੇਵ ਗਰਗ ਤੇ ਨੀਰਜ ਮਿੱਤਲ ਨੂੰ ਪੀ ਆਰ ਓ, ਜਸਵੰਤ ਸਿੰਘ, ਡਾ ਬੀ ਬੀ ਬਾਂਸਲ, ਆਰ ਕੇ ਗੋਇਲ, ਕਪਿਲ ਸ਼ਰਮਾ ਤੇ ਦਰਸ਼ਨ ਜੁਨੇਜਾ ਨੂੰ ਰਿਸੈੱਪਸ਼ਨ ਕਮੇਟੀ ਮੈਂਬਰ, ਡਾ: ਮੁਕੇਸ਼ ਗੁਪਤਾ ਤੇ ਮਦਨ ਲਾਲ ਅਰੋੜਾ ਨੂੰ ਮੈਡੀਕਲ ਕਮੇਟੀ ਸਲਾਹਕਾਰ ਸਮੇਤ ਪ੍ਰਵੀਨ ਜੈਨ ਤੇ ਰਾਜੀਵ ਗੁਪਤਾ ਨੂੰ ਸਟਾਰ ਐਂਟਰਟੇਨਰ ਨਿਯੁਕਤ ਕੀਤਾ ਗਿਆ| ਨਵੀਂ ਟੀਮ ਦੀ ਨਿਯੁਕਤੀ ਦੇ ਐਲਾਨ ਮੌਕੇ ਚੇਅਰਮੈਨ ਗੁਲਸ਼ਨ ਅਰੋੜਾ ਨੇ ਕਿਹਾ ਕਿ ਸੋਸਾਇਟੀ ਪਿਛਲੇ 27 ਸਾਲਾਂ ਤੋਂ ਸਮਾਜ ਸੇਵਾ ਨੂੰ ਪਹਿਲ ਦੇ ਆਧਾਰ ’ਤੇ ਸੋਸਾਇਟੀ ਮੈਂਬਰਾਂ ਤੇ ਦਾਨੀ ਸੱਜਣਾਂ ਦੇ ਸਹਿਯੋਗ ਨਾਲ ਕਰ ਰਹੀ ਹੈ| ਉਨ੍ਹਾਂ ਕਿਹਾ ਕਿ ਸੁਸਾਇਟੀ ਵੱਲੋਂ ਸਾਲ 2022 ਵਿਚ ਰਿਕਾਰਡ ਤੋੜ ਸਮਾਜ ਸੇਵਾ ਦੇ ਪ੍ਰੋਜੈਕਟ ਲਗਾਏ ਹਨ ਜਿਸ ਦੇ ਲਈ ਸਾਰੇ ਮੈਂਬਰ ਵਧਾਈ ਦੇ ਪਾਤਰ ਹਨ| ਉਨ੍ਹਾਂ ਐਲਾਨ ਕੀਤਾ ਕਿ ਆਉਂਦੇ ਸਾਲ ਵਿਚ ਅੱਖਾਂ ਦੇ 12 ਕੈਂਪਾਂ ਤੋਂ ਇਲਾਵਾ ਹੋਰ ਬਹੁਤ ਸਾਰੇ ਕੈਂਪ ਲਗਾਏ ਜਾਣਗੇ| ਸਮਾਗਮ ਵਿਚ ਸ਼ਮੂਲੀਅਤ ਕਰਨ ਵਾਲੇ ਸੁਸਾਇਟੀ ਮੈਂਬਰਾਂ ਦੇ ਮਨੋਰੰਜਨ ਲਈ ਪ੍ਰਵੀਨ ਜੈਨ ਤੇ ਰਾਜੀਵ ਗੁਪਤਾ ਨੇ ਤੰਬੋਲਾ, ਕਪਿਲ ਗੇਮ, ਬੱਚਿਆਂ ਦੀ ਗੇਮ, ਲੱਕੀ ਪ੍ਰਾਈਜ਼, ਸਰਪ੍ਰਾਈਜ਼ ਸਮੇਤ ਹੋਰ ਕਈ ਗੇਮਾਂ ਨਾਲ ਮੈਂਬਰਾਂ ਦਾ ਖ਼ੂਬ ਮਨੋਰੰਜਨ ਕੀਤਾ| ਇਸ ਮੌਕੇ ਪਿਛਲੇ ਸਾਲ ਵਿਚ ਸਮਾਜ ਸੇਵਾ ਦੇ ਕੰਮਾਂ ਵਿਚ ਸਹਿਯੋਗ ਕਰਨ ਵਾਲੇ ਸੁਸਾਇਟੀ ਮੈਂਬਰਾਂ ਦਾ ਵੀ ਵਿਸ਼ੇਸ਼ ਤੌਰ ਤੇ ਸਨਮਾਨ ਕੀਤਾ ਗਿਆ| ਇਸ ਮੌਕੇ ਜਗਰਾਓਂ ਦਾ ਨਾਮ ਰੌਸ਼ਨ ਕਰਨ ਵਾਲੀ 17 ਸਾਲਾ ਸੁਮਿਰਤੀ ਸਿੰਗਲਾ ਦਾ ਵਿਸ਼ੇਸ਼ ਸਨਮਾਨ ਕਰਨ ਸਮੇਤ ਨਵੇਂ ਮੈਂਬਰ ਮਨੀਸ਼ ਕਪੂਰ ਦਾ ਵੀ ਸਨਮਾਨ ਕੀਤਾ ਗਿਆ| ਸਮਾਗਮ ਵਿਚ ਪ੍ਰਧਾਨ ਪ੍ਰਿੰਸੀਪਲ ਚਰਨਜੀਤ ਸਿੰਘ ਭੰਡਾਰੀ ਦੀ ਧਰਮ-ਪਤਨੀ ਇੰਦਰਪ੍ਰੀਤ ਕੌਰ ਭੰਡਾਰੀ ਨੇ ਸੁਸਾਇਟੀ ਦੇ ਸਾਰੇ ਮੈਂਬਰਾਂ ਦਾ ਸਮਾਜ ਸੇਵਾ ਦੇ ਕੰਮਾਂ ਵਿਚ ਸਹਿਯੋਗ ਦੇਣ ਲਈ ਧੰਨਵਾਦ ਕੀਤਾ| ਸਮਾਗਮ ਵਿੱਚ ਸੁਸਾਇਟੀ ਦੇ ਸਮੂਹ ਅਹੁਦੇਦਾਰਾਂ ਸਮੇਤ ਪ੍ਰਮੋਦ ਸਿੰਗਲਾ, ਡਾ: ਵਿਵੇਕ ਗੋਇਲ, ਅਮਿਤ ਅਰੋੜਾ, ਸੰਜੂ ਬਾਂਸਲ, ਸੰਜੇ ਬਾਂਸਲ, ਵਿਸ਼ਾਲ ਗੋਇਲ, ਵਿਕਾਸ ਕਪੂਰ, ਮੰਨੰੂ ਜੈਨ, ਸੁਮਿਤ ਪਾਟਨੀ, ਡਾ: ਵਿਵੇਕ ਗਰਗ, ਯੋਗਰਾਜ ਗੋਇਲ, ਡਾ: ਸਚਿਨ ਗੋਇਲ, ਅੰਸ਼ੂ ਗੋਇਲ, ਜਗਦੀਪ ਸਿੰਘ, ਸੰਜੀਵ ਚੋਪੜਾ, ਡਾ: ਗੁਰਦਰਸ਼ਨ ਮਿੱਤਲ, ਮਨੋਜ ਗਰਗ, ਜੀਵਨ ਗਰਗ, ਮੁਕੇਸ਼ ਮਲਹੋਤਰਾ, ਰਾਜਨ ਸਿੰਗਲਾ ਆਦਿ ਮੈਂਬਰਾਂ ਨੇ ਪਰਿਵਾਰ ਸਮੇਤ ਹਿੱਸਾ ਲਿਆ|
