ਡੇਹਲੋ-27 ਅਪ੍ਰੈਲ ( ਬਾਰੂ ਸੱਗੂ) ਕਸਬਾ ਡੇਹਲੋ ਦੇ ਨੇੜਲੇ ਪਿੰਡ ਜੜਤੌਲੀ ਵਿਖੇ ਅੱਜ ਸਵੇਰੇ ਤਕਰੀਬਨ ਸਵਾ ਸੱਤ ਵਜੇ ਆਈ ਹਨੇਰੀ ਨੇ ਦਵਿੰਦਰ ਸਿੰਘ ਅਤੇ ਸੁਖਵਿੰਦਰ ਸਿੰਘ ਵੱਲੋਂ ਆਪਣੇ ਘਰ ਵਿੱਚ ਬਣਾਏ ਲੋਹੇ ਦੇ ਤਕਰੀਬਨ 2100 ਵਰਗ ਸਕੇਅਰ ਫੁੱਟ ਦੇ ਸ਼ੈਡ ਨੂੰ ਜੋ ਕਿ ਕਈ ਕੁਵਿੰਟਲ ਭਾਰਾ ਸੀ ਨੂੰ ਉਡਾ ਦਿੱਤਾ। ਜਿਸ ਨਾਲ ਮਾਲਕਾ ਦਾ ਲੱਖਾ ਰੁਪਏ ਦਾ ਮਾਲੀ ਨੁਕਸਾਨ ਹੋ ਗਿਆ। ਪਰ ਕੁਦਰਤੀ ਕਿਸੇ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ। ਮੌਕੇ ਤੇ ਹਾਜ਼ਰ ਦਵਿੰਦਰ ਸਿੰਘ ਨੇ ਦੱਸਿਆ ਕਿ ਹਨੇਰੀ ਦਾ ਇਕ ਭਾਰੀ ਬੁੱਲਾ ਥੋੜੇ ਏਰੀਏ ਵਿੱਚ ਆਇਆ ਜਿਸ ਨੇ ਉਹਨਾਂ ਦੇ ਘਰ ਵਿੱਚ ਟਰੈਕਟਰ, ਟਰਾਲੀਆਂ, ਹੱਲ ਤੇ ਖੇਤੀ ਦੀ ਹੋਰ ਮਿਸ਼ਨਰੀ ਖੜਾਉਣ ਲਈ ਬਣਾਏ ਭਾਰੀ ਸ਼ੈਡ ਨੂੰ ਵੈਲਡਿੰਗ ਕੀਤੇ ਗਾਡਰ ਤੇ ਲੋਹੇ ਦੀਆਂ ਚਾਦਰਾ ਤੋੜ੍ਹ ਕੇ 200 ਫੁੱਟ ਦੂਰ ਸੁੱਟ ਦਿੱਤੇ। ਜਿਸ ਨਾਲ ਬਿਜਲੀ ਦੀਆਂ ਤਾਰਾਂ, ਖੰਭੇ ਤੇ ਦਰਖਤ ਵੀ ਟੁੱਟ ਗਏ। ਸਾਰੇ ਪਿੰਡ ਦੀ ਬਿਜਲੀ ਦੀ ਸਪਲਾਈ ਵੀ ਠੱਪ ਹੋ ਗਈ ਹੈ। ਇਸ ਮੌਕੇ ਤੇ ਵਿਸ਼ੇਸ਼ ਤੌਰ ਤੇ ਪੁੱਜੇ ਜਮਹੂਰੀ ਕਿਸਾਨ ਸਭਾ ਪੰਜਾਬ ਦੇ ਜ਼ਿਲ੍ਹਾ ਸਕੱਤਰ ਹਰਨੇਕ ਸਿੰਘ ਗੁੱਜਰਵਾਲ, ਜ਼ਿਲ੍ਹਾ ਮੀਤ ਪ੍ਰਧਾਨ ਅਮਰੀਕ ਸਿੰਘ ਜੜਤੌਲੀ ਨੇ ਕਿਹਾ ਕਿ ਇਸ ਹਨੇਰੀ ਇਸ ਕਿਸਾਨ ਪਰਿਵਾਰ ਦਾ ਵੱਡਾ ਮਾਲੀ ਨੁਕਸਾਨ ਕੀਤਾ ਹੈ। ਸਰਕਾਰ ਨੂੰ ਚਾਹੀਦਾ ਹੈ ਕਿ ਇਸ ਦੀ ਵਿਸ਼ੇਸ਼ ਜਾਂਚ ਕਰਕੇ ਕਿਸਾਨ ਪਰਿਵਾਰ ਨੂੰ ਢੁਕਵਾ ਮੁਆਵਜ਼ਾ ਦਿੱਤਾ ਜਾਵੇ। ਉਹਨਾਂ ਕਿਹਾ ਕਿ ਇਸ ਹਨੇਰੀ ਨੇ ਕਈ ਥਾਵਾ ਤੇ ਦਰਖਤ ਤੋੜ ਦਿੱਤੇ ਹਨ। ਸੜਕ ਆਵਾਜਾਈ ਵਿੱਚ ਵੀ ਵਿਘਨ ਪਿਆ ਹੈ। ਇਸ ਮੌਕੇ ਤੇ ਹੋਰਨਾਂ ਤੋਂ ਇਲਾਵਾ ਦੇਵ ਸਿੰਘ, ਕਾਕਾ ਸਿੰਘ, ਬਹਾਦਰ ਸਿੰਘ, ਰਛਪਾਲ ਸਿੰਘ, ਜੈਜੀ ਜੜਤੌਲੀ ਹਾਜ਼ਰ ਸਨ।
