ਜਗਰਾਓਂ , 28 ਦਸੰਬਰ ( ਬਲਦੇਵ ਸਿੰਘ) -ਸਾਲ 2023 ਦੇ ਪਹਿਲੇ ਦਿਨ ( ਇੱਕ ਜਨਵਰੀ ) ਨੂੰ ਸਿੱਖ ਯੂਥ ਵੈਲਫੇਅਰ ਸੁਸਾਇਟੀ ਵੱਲੋਂ ਅਤੇ ਵਿਵੇਕ ਕਲੀਨਿਕ ਦੇ ਮਾਲਕ ਡਾਕਟਰ ਰਜਤ ਖੰਨਾ ਦੇ ਸਹਿਯੋਗ ਸਦਕਾ ਵਿਸ਼ਾਲ ਮੈਡੀਕਲ ਕੈਂਪ ਅਗਵਾੜ ਲੋਪੋ ਡਾਲਾ ਜਗਰਾਓਂ ਵਿਵੇਕ ਕਲੀਨਿਕ ਵਿਖੇ ਲਗਾਇਆ ਜਾ ਰਿਹਾ ਹੈ। ਲੋੜਵੰਦ ਲੋਕ ਇਸ ਕੈਂਪ ਦਾ ਲਾਭ ਉਠਾਉਣ । ਡਾਕਟਰ ਰਜਤ ਖੰਨਾ ਨੇ ਜਾਣਕਾਰੀ ਦਿੱਤੀ ਕਿ ਜਨਰਲ ਬਿਮਾਰੀਆਂ, ਅੱਖਾਂ ਦੀ ਮੁਫ਼ਤ ਜਾਂਚ ਅਤੇ ਲੋੜਵੰਦ ਮਰੀਜਾਂ ਨੂੰ ਮੁਫ਼ਤ ਐਨਕਾਂ, ਦੰਦਾਂ ਦਾ ਮੁਫ਼ਤ ਚੈਕਅੱਪ, ਹੱਡੀਆਂ ਅਤੇ ਜੋੜਾਂ ਦੀਆਂ ਸਾਰੀਆਂ ਬਿਮਾਰੀਆਂ ਦਾ ਇਲਾਜ ਮੁਫ਼ਤ ਮਸ਼ੀਨਾ ਰਾਹੀਂ ਕੀਤਾ ਜਾਵੇਗਾ । ਨਸ਼ਾ ਛੁਡਾਊ ਅਤੇ ਦਿਮਾਗੀ ਬਿਮਾਰੀਆਂ ਲਈ ਲੁਧਿਆਣਾ ਦੇ ਮਾਹਿਰ ਡਾਕਟਰਾਂ ਦੀ ਟੀਮ ਸੇਵਾਵਾਂ ਨਿਭਾਏਗੀ। ਇਸ ਸਮੇਂ ਯੂਰਿਕ ਐਸਿਡ ਅਤੇ ਸ਼ੂਗਰ ਦੀ ਜਾਂਚ ਵੀ ਮੁਫ਼ਤ ਕੀਤੀ ਜਾਵੇਗੀ। ਇਸ ਮੌਕੇ ਡਾਕਟਰ ਧਰਮਿੰਦਰ ਮੱਲੀ ਜਨਰਲ ਰੋਗਾਂ ਦਾ ਚੈੱਕ ਅੱਪ ਕਰਨਗੇ। ਡਾਕਟਰ ਅਮਿਤ ਸਿਆਲ ਅੱਖਾਂ ਦਾ ਚੈੱਕ ਅੱਪ ਕਰਨਗੇ ਅਤੇ ਲੋੜਵੰਦ ਮਰੀਜਾਂ ਨੂੰ ਮੁਫ਼ਤ ਐਨਕਾਂ ਵੀ ਲਾਉਣਗੇ।
