ਲੁਧਿਆਣਾ 01 ਮਈ (ਭਗਵਾਨ ਭੰਗੂ – ਬੋਬੀ ਸਹਿਜਲ) : ਗਿਆਸਪੁਰਾ ਇਲਾਕੇ ਵਿਚ ਜ਼ਹਿਰੀਲੀ ਗੈਸ ਚੜ੍ਹਨ ਨਾਲ 11 ਲੋਕਾਂ ਦੀ ਮੌਤ ਦੇ ਮਾਮਲੇ ਵਿਚ ਗ਼ੈਰ-ਇਰਾਦਤਨ ਮੁਕੱਦਮਾ ਦਰਜ ਕਰਨ ਤੋਂ ਬਾਅਦ ਲੁਧਿਆਣਾ ਪੁਲਿਸ ਨੇ ਸਖ਼ਤ ਰੁਖ ਅਖਤਿਆਰ ਕਰ ਲਿਆ ਹੈ। ਲੁਧਿਆਣਾ ਪੁਲਿਸ ਨੇ ਸੀਵਰ ਲਾਈਨਾਂ ਵਿੱਚ ਰਸਾਇਣਕ ਰਹਿੰਦ-ਖੂੰਹਦ ਨੂੰ ਸੁੱਟਣ ਵਾਲੀਆਂ ਕੁਝ ਗਲਤ ਉਦਯੋਗਿਕ ਇਕਾਈਆਂ ਦੀ ਭੂਮਿਕਾ ਦੀ ਜਾਂਚ ਲਈ ਪੰਜ ਮੈਂਬਰੀ ਵਿਸ਼ੇਸ਼ ਜਾਂਚ ਟੀਮ ਦਾ ਗਠਨ ਕੀਤੀ ਹੈ। ਪੁਲਿਸ ਕਮਿਸ਼ਨਰ ਮਨਦੀਪ ਸਿੰਘ ਸਿੱਧੂ ਨੇ ਸਾਫ਼ ਕੀਤਾ ਕਿ ਪ੍ਰਦੂਸ਼ਣ ਵਿਭਾਗ ਦੇ ਮੁਲਾਜ਼ਮਾਂ ਤੇ ਅਧਿਕਾਰੀਆਂ ਨੂੰ ਜਾਂਚ ਵਿਚ ਪੂਰਾ ਸਹਿਯੋਗ ਕਰਨਾ ਪਵੇਗਾ। ਉਨ੍ਹਾਂ ਆਖਿਆ ਕਿ ਜੇਕਰ ਜਾਂਚ ਦੇ ਦੌਰਾਨ ਸਾਹਮਣੇ ਆਉਂਦਾ ਹੈ ਕਿ ਇਹ ਹਾਦਸਾ ਸੀਵਰੇਜ ਵਿੱਚ ਰਸਾਇਣ ਸੁੱਟਣ ਕਰਕੇ ਵਾਪਰਿਆ ਹੈ ਤਾਂ ਤਫਤੀਸ਼ ਦੇ ਦੌਰਾਨ ਜੇਕਰ ਕਿਸੇ ਉਦਯੋਗਿਕ ਇਕਾਈ ਵੱਲੋਂ ਸੀਵਰੇਜ ਵਿਚ ਰਸਾਇਣਕ ਪਦਾਰਥਾਂ ਦੀ ਰਹਿੰਦ-ਖੂੰਹਦ ਸੁੱਟਣ ਲਈ ਪ੍ਰਦੂਸ਼ਣ ਵਿਭਾਗ ਦੇ ਕਿਸੇ ਅਧਿਕਾਰੀ ਜਾਂ ਮੁਲਾਜ਼ਮ ਦੀ ਮਿਲੀਭੁਗਤ ਸਾਹਮਣੇ ਆਈ ਤਾਂ ਉਸ ਨੂੰ ਵੀ ਐਫਆਈਆਰ ਨਾਮਜ਼ਦ ਕੀਤਾ ਜਾਵੇਗਾ।ਜ਼ਿਕਰਯੋਗ ਹੈ ਕਿ ਸ਼ੱਕ ਹੈ ਕਿ ਕਿਸੇ ਉਦਯੋਗਿਕ ਇਕਾਈ ਨੇ ਗਿਆਸਪੁਰਾ ਦੇ ਮੈਨਹੋਲ ‘ਚ ਕੋਈ ਜ਼ਹਿਰੀਲਾ ਰਸਾਇਣ ਸੁੱਟ ਦਿੱਤਾ ਹੋ ਸਕਦਾ ਹੈ, ਜਿਸ ਕਾਰਨ ਗੈਸ ਹਵਾ ‘ਚ ਫੈਲ ਗਈ ਅਤੇ ਬੇਕਸੂਰਾਂ ਦੀ ਜਾਨ ਚਲੀ ਗਈ।ਪੁਲਿਸ ਕਮਿਸ਼ਨਰ ਮਨਦੀਪ ਸਿੰਘ ਸਿੱਧੂ ਨੇ ਦੱਸਿਆ ਕਿ ਐਸਆਈਟੀ ਦੀ ਅਗਵਾਈ ਡੀਸੀਪੀ ਇਨਵੈਸਟੀਗੇਸ਼ਨ ਹਰਮੀਤ ਸਿੰਘ ਹੁੰਦਲ ਕਰਨਗੇ, ਜਿਸ ਵਿੱਚ ਏਡੀਸੀਪੀ ਸੁਹੇਲ ਕਾਸਿਮ ,ਏਡੀਸੀਪੀ ਤੁਸ਼ਾਰ ਗੁਪਤਾ, ਏਸੀਪੀ ਅਤੇ ਇਲਾਕਾ ਐਸਐਚਓ ਸ਼ਾਮਲ ਹਨ। ਐਸਆਈਟੀ ਉਦਯੋਗਿਕ ਇਕਾਈਆਂ ਅਤੇ ਉਨ੍ਹਾਂ ਦੇ ਕੂੜੇ ਦੇ ਰਸਾਇਣਕ ਨਿਪਟਾਰੇ ਦੇ ਤੰਤਰ ਦੀ ਜਾਂਚ ਕਰੇਗੀ।ਉਨ੍ਹਾਂ ਸਾਫ ਕੀਤਾ ਕਿ ਇਸ ਤਰ੍ਹਾਂ ਦੀਆਂ ਰਿਪੋਰਟਾਂ ਆਈਆਂ ਹਨ ਕਿ ਕੁਝ ਗਲਤ ਉਦਯੋਗਿਕ ਇਕਾਈਆਂ ਲੰਬੇ ਸਮੇਂ ਤੋਂ ਰਸਾਇਣਕ ਰਹਿੰਦ-ਖੂੰਹਦ ਨੂੰ ਸੀਵਰ ਲਾਈਨਾਂ ਵਿੱਚ ਸੁੱਟ ਰਹੀਆਂ ਹਨ।ਉੱਧਰ, ਗੈਸ ਮਾਪਣ ਵਾਲੇ ਯੰਤਰ ਨਾਲ ਐੱਨਡੀਆਰਐੱਫ ਦੁਆਰਾ ਗਿਆਸਪੁਰਾ ਵਿਖੇ ਕਈ ਮੈਨਹੋਲਾਂ ਦੇ ਨਵੀਨਤਮ ਮਾਪ ਨੇ ਸਾਫ਼ ਕੀਤਾ ਕਿ ਹਾਈਡ੍ਰੋਜਨ ਸਲਫਾਈਡ ਦਾ ਪੱਧਰ ਮੈਨਹੋਲਾਂ ਦੀ ਸਤ੍ਹਾ ‘ਤੇ ਜ਼ੀਰੋ ਅਤੇ ਮੈਨਹੋਲਾਂ ਦੇ ਅੰਦਰ ਹੋ ਗਿਆ ਹੈ। ਡਿਪਟੀ ਕਮਾਂਡੈਂਟ 13ਵੀਂ ਬਟਾਲੀਅਨ ਲਾਡੋਵਾਲ ਦੇਵ ਰਾਜ ਨੇ ਕਿਹਾ ਕਿ ਹਾਦਸੇ ਦੇ ਸਮੇਂ ਇਹ ਪੱਧਰ 400 ਤੋਂ 500 ਪਾਰਟੀਕੁਲੇਟ ਪ੍ਰਤੀ ਮਿੰਟ (ਪੀਪੀਐਮ) ਦੇ ਵਿਚਕਾਰ ਹੋ ਸਕਦਾ ਹੈ ਜਿਸ ਕਾਰਨ 11 ਮੌਤਾਂ ਹੋ ਗਈਆਂ। ਇਹੀ ਕਾਰਨ ਹੈ ਕਿ ਹਵਾ ਵਿੱਚ ਜ਼ਹਿਰੀਲੀ ਗੈਸ ਹੈ।
