ਅਮਰਗੜ੍ਹ(ਬਲਵਿੰਦਰ ਬਿੰਦੀ)ਬਾਗੜੀਆਂ ਵਿਖੇ ਆਲ ਪੰਜਾਬ ਆਂਗਨਵਾੜੀ ਮੁਲਾਜ਼ਮ ਯੂਨੀਅਨ ਦੀ ਸੂਬਾ ਕਮੇਟੀ ਦੇ ਸੱਦੇ ‘ਤੇ ਆਂਗਨਵਾੜੀ ਵਰਕਰਾਂ ਅਤੇ ਹੈਲਪਰਾਂ ਨੇ ਵੱਡੀ ਗਿਣਤੀ ਵਿੱਚ ਇਕੱਠੀਆਂ ਹੋ ਨਾਅਰੇਬਾਜ਼ੀ ਕਰਦਿਆਂ ਪੰਜਾਬ ਸਰਕਾਰ ਦਾ ਪੁਤਲਾ ਫੂਕਿਆ ਫੂਕਿਆ । ਇਸ ਮੌਕੇ ਸੰਬੋਧਨ ਕਰਦਿਆਂ ਯੂਨੀਅਨ ਆਗੂਆਂ ਨੇ ਕਿਹਾ ਕਿ ਯੂਨੀਅਨ ਦੇ ਸੂਬਾ ਪ੍ਰਧਾਨ ਹਰਗੋਬਿੰਦ ਕੌਰ ਨੇ ਪਿਛਲੇਂ 10 ਮਹੀਨਿਆਂ ਤੋਂ ਵਰਕਰਾਂ ਅਤੇ ਹੈਲਪਰਾਂ ਨੂੰ ਤਨਖਾਹਾਂ ਨਾ ਮਿਲਣ ਕਰਕੇ ਅਤੇ ਹੋਰ ਮੰਗਾਂ ਮਨਵਾਉਣ ਲਈ ਪੰਜਾਬ ਸਰਕਾਰ ਨੂੰ ਨੋਟਿਸ ਭੇਜਿਆ ਸੀ ਕਿ ਜੇਕਰ ਉਨਾਂ੍ਹ ਦੀਆਂ ਮੰਗਾਂ ਨਾ ਮੰਨੀਆਂ ਗਈਆਂ ਤਾਂ ਉਹ 6 ਅਗਸਤ ਨੂੰ ਸਮਾਜਿਕ ਸੁਰੱਖਿਆ ਇਸਤਰੀ ਅਤੇ ਬਾਲ ਵਿਕਾਸ ਵਿਭਾਗ ਪੰਜਾਬ ਦੀ ਮੰਤਰੀ ਡਾ. ਬਲਜੀਤ ਕੌਰ ਦੇ ਘਰ ਅੱਗੇ ਫਰੀਦਕੋਟ ਵਿਖੇ ਰੋਸ ਪ੍ਰਦਰਸ਼ਨ ਕਰਨਗੀਆਂ । ਜਿਸ ਦੀ ਬੁਖਲਾਹਟ ਵਿੱਚ ਆ ਕੇ ਮੰਤਰੀ ਨੇ ਹਰਗੋਬਿੰਦ ਕੌਰ ਅਤੇ ਹੋਰਨਾਂ ਵਰਕਰਾਂ ਨੂੰ ਨੌਕਰੀ ਤੋਂ ਕੱਢਣ ਲਈ ਨੋਟਿਸ ਭੇਜ ਦਿੱਤੇ ਹਨ । ਜਿਸ ਦਾ ਜਥੇਬੰਦੀ ਸਖ਼ਤ ਵਿਰੋਧ ਕਰਦੀ ਹੈ ਅਤੇ ਉਹ ਚਟਾਨ ਵਾਂਗ ਸੂਬਾ ਪ੍ਰਧਾਨ ਦੇ ਨਾਲ ਖੜੀਆਂ ਹਨ । ਆਗੂਆਂ ਦਾ ਕਹਿਣਾ ਹੈ ਕਿ ਹਰਗੋਬਿੰਦ ਕੌਰ ਨੇ ਸਰਕਾਰ ਨੂੰ ਵਰਕਰਾਂ ਅਤੇ ਹੈਲਪਰਾਂ ਦੀਆਂ ਮੰਗਾਂ ਸਬੰਧੀ ਨੋਟਿਸ ਪਹਿਲੀ ਵਾਰ ਨਹੀਂ ਭੇਜਿਆ ਸਗੋਂ ਪਿਛਲੇਂ 30 ਸਾਲਾਂ ਤੋਂ ਅਜਿਹੇ ਨੋਟਿਸ ਉਨ੍ਹਾਂ ਦੇ ਦਸਤਖਤਾ ਹੇਠ ਭੇਜੇ ਜਾ ਰਹੇ ਹਨ ਪਰ ਹੁਣ ਹਰਗੋਬਿੰਦ ਕੌਰ ਦਾ ਸਿਆਸੀ ਖੇਤਰ ਵਿੱਚ ਪੈਰ ਰੱਖਣਾ ਸਰਕਾਰ ਲਈ ਸਿਰਦਰਦੀ ਬਣਿਆ ਹੋਇਆ ਹੈ । ਉਨ੍ਹਾਂ ਕਿਹਾ ਕਿ ਉਹ ਸਰਕਾਰਾਂ ਦੀਆਂ ਘੁਰਕੀਆਂ ਤੋਂ ਨਾ ਕਦੇ ਪਹਿਲਾਂ ਡਰੀਆਂ ਹਨ ਅਤੇ ਨਾ ਹੁਣ ਡਰਨਗੀਆਂ । ਇਸ ਮੌਕੇ ਯੂਨੀਅਨ ਆਗੂ ਸੁਰਿੰਦਰ ਪਾਲ ਕੌਰ ਬਾਗੜੀਆਂ , ਸਰਬਜੀਤ ਕੌਰ ਬਾਗੜੀਆਂ , ਪਰਮਜੀਤ ਕੌਰ ਬਾਗੜੀਆਂ , ਪ੍ਰਵੀਨ ਕੌਰ ਬਾਗੜੀਆਂ , ਕਰਮਜੀਤ ਕੌਰ ਬਾਗੜੀਆਂ , ਅਕਬਰੀ ਅਮਰਗੜ੍ਹ , ਸ਼ਿੰਦਰਪਾਲ ਭੱਟੀਆਂ ਖੁਰਦ , ਸਰਕਲ ਪ੍ਰਧਾਨ ਹਰਪ੍ਰਰੀਤ ਕੌਰ ਭੱਟੀਆਂ ਖੁਰਦ , ਚਰਨਜੀਤ ਕੌਰ ਬਾਗੜੀਆਂ , ਸਰਬਜੀਤ ਕੌਰ ਬਾਗੜੀਆਂ , ਪਰਮਜੀਤ ਕੌਰ ਬਾਗੜੀਆਂ , ਮਨਜੀਤ ਕੌਰ ਬਾਗੜੀਆਂ , ਸੁਰਿੰਦਰ ਕੌਰ ਹਥਨ , ਗੁਰਮੀਤ ਕੌਰ ਬਮਾਲ ਬਲਜਿੰਦਰ ਕੌਰ ਅਮਰਗੜ੍ਹ ਆਦਿ ਹਾਜ਼ਰ ਸਨ।
