ਸਰਕਾਰੀ ਕਾਲਜਾ ਵਿੱਚ ਕੰਮ ਕਰਦੇ ਦਿਹਾੜੀਦਾਰ ਡੀ.ਸੀ.ਰੇਟ ਕੱਚੇ ਕਰਮਚਾਰੀਆਂ ਦੀਆਂ ਸੇਵਾਵਾਂ ਰੈਗੂਲਰ ਕਰਵਾਉਣ ਲਈ ਪ੍ਰਿੰਸੀਪਲਾਂ ਨੂੰ ਦਿੱਤੇ ਜਾਣਗੇ ਮੰਗ ਪੱਤਰ
ਲੁਧਿਆਣਾ, 20 ਦਸੰਬਰ ( ਬੌਬੀ ਸਹਿਜਲ)-ਉੱਚੇਰੀ ਸਿੱਖਿਆ ਕਾਲਜਾਂ ਦਰਜਾ —3 ਅਤੇ ਦਰਜਾ—4 ਕੱਚੇ ਕਰਮਚਾਰੀ ਯੂਨੀਅਨ ਪੰਜਾਬ ਦੀ ਈਸੜੂ ਭਵਨ ਲੁਧਿਆਣਾ ਵਿਖੇ ਹੋਈ ਸੂਬਾ ਪੱਧਰੀ ਮੀਟਿੰਗ ਦੀ ਪ੍ਰਧਾਨਗੀ ਸੂਬਾ ਪ੍ਰਧਾਨ ਗੁਰਤੇਜ਼ ਸਿੰਘ ਗਿੱਲ ਦੀ ਅਗਵਾਈ ਹੋਈ। ਜਰਨਲ ਸਕੱਤਰ ਪਰਮਜੀਤ ਸਿੰਘ ਹਾਂਡਾ ਸੁਨਾਮ ਨੇ ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਪੰਜਾਬ ਭਰ ਵਿੱਚ ਲਗਭਗ 64 ਸਰਕਾਰੀ ਕਾਲਜਾਂ ਵਿੱਚ ਪਿਛਲੇ 5,10,12,15,20,25 ਸਾਲਾਂ ਤੋਂ ਵੱਖ—ਵੱਖ ਫੰਡਾਂ ਵਿੱਚੋਂ ਦਿਹਾੜੀਦਾਰ ਕਰਮਚਾਰੀ ਕੰਮ ਕਰ ਰਹੇ ਹਨ। ਇਹਨਾਂ ਦੀਆਂ ਸੇਵਾਵਾਂ ਦੀਆਂ ਨਿਯਮਿਤ ਨਿਯੁਕਤੀਆਂ ਲੰਮੇ ਸਮੇਂ ਤਂੋ ਨਹੀ ਕੀਤੀਆਂ ਗਈਆਂ, ਜਦੋ ਕਿ ਪੰਜਾਬ ਸਰਕਾਰ ਵੱਲੋਂ ਸਮੇਂ—ਸਮੇਂ ਸਿਰ ਲੋਂੜੀ ਦੀਆਂ ਪੋਲਸੀਆਂ ਜਾਰੀ ਕਰਕੇ ਕੱਚੇ ਕਰਮਚਾਰੀਆਂ ਨੂੰ ਰੈਗੂਲਰ ਕਰਨ ਲਈ ਕਿਹਾ ਗਿਆ ਅਤੇ ਸਾਲ 1991—92ਤੋਂ 2000 ਤੱਕ ਵੱਖ—ਵੱਖ ਸਰਕਾਰੀ ਕਾਲਜਾਂ ਦੇ ਪ੍ਰਿੰਸੀਪਲ ਸਾਹਿਬਾਨਾ ਵੱਲੋਂ ਆਪਣੇ ਪੱਧਰ ਤੇ ਰੱਖੇ ਕੱਚੇ ਕਰਮਚਾਰੀਆਂ ਨੂੰ ਰੈਗੂਲਰ ਕੀਤਾ ਗਿਆ ਸੀ ਅਤੇ ਸਾਲ 2001,2003,2007,2011 ਵਿੱਚ ਪੰਜਾਬ ਸਰਕਾਰ ਵੱਲੋਂ ਵਿਭਾਗਾਂ ਨੂੰ ਪੱਤਰ ਜਾਰੀ ਕੀਤੇ ਗਏ ਸਨ ਕਿ ਆਪਣੇ ਆਪਣੇ ਵਿਭਾਗਾਂ ਵਿੱਚ ਕੰਮ ਕਰਦੇ ਕੱਚੇ ਕਰਮਚਾਰੀਆਂ ਨੂੰ ਰੈਗੂਲਰ ਕੀਤਾ ਜਾਵੇ।ਪ੍ਰੰਤੂ ਕੁਝ ਕੁ ਕਾਲਜਾਂ ਨੂੰ ਛੱਡ ਕੇ ਸਮੁੱਚੇ ਤੋਰ*ਤੇ ਸਰਕਾਰੀ ਕਾਲਜਾਂ ਦੇ ਕਰਮਚਾਰੀ ਰੈਗੂਲਰ ਨਹੀ ਕੀਤੇ ਗਏ ਅਤੇ ਨਾ ਹੀ 04/03/1999, 15/12/2006 ਅਤੇ 24/12/2016 ਨੂੰ ਪੰਜਾਬ ਸਰਕਾਰ ਵੱਲੋ ਬਣਾਈ ਗਈ ਪੋਲਸੀ ਅਨੁਸਾਰ 10 ਸਾਲਾਂ ਦੀ ਸੇਵਾ ਪੂਰੀ ਕਰਨ ਵਾਲੇ ਕਾਮਿਆਂ ਨੂੰ ਰੈਗੂਲਰ ਕੀਤਾ ਗਿਆ।ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੀ ਪਟੀਸ਼ਨ ਨੰ. 12199 ਆਫ 2000 ਸੁਖਦੇਵ ਕੌਰ ਦੇ ਫੈਸਲੇ ਅਨੁਸਾਰ 10 ਸਾਲਾਂ ਦੀ ਸੇਵਾ ਕਰਨ ਵਾਲੇ ਕਾਮਿਆਂ ਨੂੰ ਰੈਗੂਲਰ ਕਰਨਾ ਬਣਦਾ ਸੀ, ਪਰਮਜੀਤ ਹਾਂਡਾ ਨੇ ਦੱਸਿਆ ਕਿ ਪੰਜਾਬ ਦੇ ਸਰਕਾਰੀ ਕਾਲਜਾਂ ਵਿੱਚ ਪਿਛਲੇ 28—30 ਸਾਲਾਂ ਦੀ ਸੇਵਾ ਪੂਰੀ ਕਰਨ ਵਾਲੇ ਦਿਹਾੜੀਦਾਰ ਕਾਮਿਆਂ ਨੂੰ ਰੈਗੂਲਰ ਨਹੀ ਕੀਤਾ ਗਿਆ। 89 ਦਿਨਾ ਦੇ ਅਧਾਰ ਤੇ ਸੇਵਾ ਪੂਰੀ ਕਰਨ ਵਾਲੇ ਕਰਮਚਾਰੀਆਂ ਨੂੰ ਵੀ ਰੈਗੂਲਰ ਨਹੀ ਕੀਤਾ ਗਿਆ ਜਦੋ ਕਿ ਸਰਕਾਰੀ ਕਾਲਜ ਸੰਗਰੂਰ,ਸਰਕਾਰੀ ਕਾਲਜ ਮੁਕਤਸਰ ਸਾਹਿਬ, ਸਰਕਾਰੀ ਕਾਲਜ ਪਾਤੜਾਂ, ਸਰਕਾਰੀ ਕਾਲਜ ਮਲੇਰਕੋਟਲਾ ਅਤੇ ਸਰਕਾਰੀ ਕਾਲਜ ਸੁਨਾਮ, ਸਰਕਾਰੀ ਕਾਲਜ ਰੋਪੜ,ਸਰਕਾਰੀ ਕਾਲਜ ਹੁਸ਼ਿਆਰਪੁਰ ਆਦਿ ਕਾਲਜਾਂ ਵਿੱਚ ਕਰਮਚਾਰੀਆਂ ਨੂੰ ਸਮੇ—ਸਮੇ ਸਿਰ ਪੱਕਾ ਕੀਤਾ ਗਿਆ। ਪਿਛਲੇ ਦਿਨੀ ਸੂਚਨਾ ਕਮਿਸ਼ਨਰ ਪੰਜਾਬ ਨੂੰ ਸਹਾਇਕ ਡਾਇਰੈਕਟਰ(ਅਮਲਾ) ਉੱਚੇਰੀ ਸਿੱਖਿਆ ਵਿਭਾਗ ਕਾਲਜਾਂ, ਪੰਜਾਬ ਵੱਲੋਂ ਆਰ.ਟੀ.ਆਈ.ਰਾਂਹੀਂ ਭੇਜੇ ਜਵਾਬ ਵਿੱਚ ਸਪਸ਼ਟ ਕੀਤਾ ਗਿਆ ਹੈ ਕਿ ਡੀ.ਸੀ. ਰੇਟ ਕੱਚੇ ਕਰਮਚਾਰੀਆਂ ਨੂੰ ਰੈਗੂਲਰ ਅਤੇ ਤੱਰਕੀ ਦੇਣ ਸਬੰਧੀ ਕਾਰਵਾਈ ਸਬੰਧਤ ਕਾਲਜ ਦੇ ਪ੍ਰਿੰਸੀਪਲ ਪੱਧਰ *ਤੇ ਕੀਤੀ ਜਾਂਦੀ ਹੈ, ਕਿਉਂਕਿ ਦਰਜਾ—4 ਦੇ ਨਿਯੁਕਤੀ ਅਧਿਕਾਰੀ ਸਬੰਧਤ ਕਾਲਜ ਦੇ ਪ੍ਰਿੰਸੀਪਲ ਹਨ। ਇਥੇ ਇਹ ਵੀ ਦੱਸਣ ਯੋਗ ਹੈ ਕਿ ਪੰਜਾਬ ਸੀ ਼ਐਸ ਼ਆਰ ਼ ਪਾਰਟ—1 ਦੇ ਨਿਯਮ 3 ਼1 ਤੋਂ 3 ਼26 ਅਨੁਸਾਰ (ਪੰਜਾਬ ਸਟੇਟ ਗਰੁੱਪ ਡੀ ਸਰਵਿਸ ਰੂਲਜ਼—1963) ਸਾਰੇ ਹੀ ਵਿਭਾਗਾਂ ਦੇ ਦਰਜ਼ਾ—4 ਕਰਮਚਾਰੀਆਂ ਦੇ ਹਰ ਤਰ੍ਹਾਂ ਦੇ ਅਧਿਕਾਰ(ਨਿਯੁਕਤੀ ਤੋਂ ਲੈ ਕੇ ਟਰਮੀਨੇਸ਼ਨ ਤੱਕ) ਡੀ਼ ਡੀ਼ ਓਜ਼ ਨੂੰ ਦਿੱਤੇ ਗਏ ਹਨ, ਜਿਸ ਕਾਰਣ ਇਨ੍ਹਾਂ ਰੂਲਾਂ ਦੀ ਰੋਸ਼ਨੀ ਵਿੱਚ ਹੀ ਪਿਛਲੇ ਦਿਨੀ ਡਿਪਟੀ ਡਾਇਰੈਕਟਰ ਕਾਲਜਾਂ (ਐਜੂਕੇਸ਼ਨ ਸਾਖਾ) ਵੱਲੋਂ ਮਿਤੀ 27/10/2023 ਰਾਂਹੀਂ ਸਮੂਹ ਪ੍ਰਿੰਸੀਪਲਾਂ ਨੂੰ ਦਰਜਾ—4 ਦਾ ਸਾਰਾ ਕੰਮ ਪ੍ਰਿੰਸੀਪਲ ਪੱਧਰ ਤੇ ਹੀ ਕਰਨ ਲਈ ਲਿਖਿਆ ਹੈ ਅਤੇ ਕਾਲਜਾਂ ਵਿੱਚ ਕੰਮ ਕਰਦੇ ਕੱਚੇ ਕਰਮਚਾਰੀਆਂ ਵੱਲੋਂ ਮਿਤੀ 18/12/2023 ਤੋਂ 20/12/2023 ਤੱਕ ਪੰਜਾਬ ਦੇ ਸਰਕਾਰੀ ਕਾਲਜਾਂ ਦੇ ਪ੍ਰਿੰਸੀਪਲ ਸਾਹਿਬਾਨਾਂ ਨੂੰ ਯੂਨੀਅਨ ਵੱਲੋਂ ਭੇਜੇ ਮੰਗ ਪੱਤਰ ਦਿੱਤੇ ਜਾਣਗੇ।
ਗੁਰਤੇਜ਼ ਸਿੰਘ ਗਿੱਲ ਪ੍ਰਧਾਨ ਜੀ ਨੇ ਅੱਜ ਦੀ ਮੀਟਿੰਗ ਵਿੱਚ ਡਾਇਰੈਕਟਰ ਉੱਚੇਰੀ ਸਿੱਖਿਆ ਕਾਲਜਾਂ ਅਤੇ ਉੱਚੇਰੀ ਸਿੱਖਿਆ ਮੰਤਰੀ ਸ. ਹਰਜੋਤ ਸਿੰਘ ਬੈਂਸ ਜੀ ਤੋਂ ਮੰਗ ਕੀਤੀ ਕਿ ਪੰਜਾਬ ਦੇ ਸਰਕਾਰੀ ਕਾਲਜਾਂ ਵਿੱਚ ਪਿੱਛਲੇ 10—12 ਸਾਲਾਂ ਤੋਂ ਪੀ.ਟੀ.ਏ. ਏ.ਐਫ ਅਤੇ ਸੈਲਫ ਫਾਈਨਾਂਸਡ ਵਿਭਾਗ ਵਿੱਚ ਕੰਮ ਕਰਦੇ ਕਲਰਕ ਕਮ ਡਾਟਾ ਐਂਟਰੀ ਓਪਰੇਟਰ ਜੋ ਕਿ ਕਾਲਜਾਂ ਦੇ ਪਿਛਲੇ ਮਾੜੇ ਸਮਿਆਂ ਦੇ ਵਿੱਚ ਕਾਲਜਾਂ ਦੇ ਕੰਮਾ ਦੀ ਵਾਂਗਡੋਰ ਸੰਭਵਾਲੀ ਅਤੇ ਪੂਰੀ ਇਮਾਨਦਾਰੀ ਨਾਲ ਕੰਮ ਕਰਦਿਆਂ ਆਪਣੀ ਉਮਰ ਵੀ ਓਵਰੇਜ਼ ਕਰ ਲਈ ਹੈ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਪੰਜਾਬ ਸਰਕਾਰ ਅਤੇ ਡਾਇਰੈਕਟਰ ਉੱਚੇਰੀ ਸਿੱਖਿਆ ਪੰਜਾਬ ਵੱਲੋਂ ਜੋ ਕਲਕਰ ਸਾਹਿਬਾਨ ਭੇਜੇ ਜਾ ਰਹੇ ਹਨ।ਉਹਨਾ ਕਲਰਕਾਂ ਨੂੰ ਪੰਜਾਬ ਦੇ ਵੱਖ —ਵੱਖ ਕਾਲਜਾਂ ਵਿੱਚ ਭੇਜਣ ਸਮੇਂ ਪਹਿਲਾ ਤੋਂ ਹੀ ਕੰਮ ਕਰ ਰਹੇ ਕਲਰਕ—ਕਮ—ਡਾਟਾ ਐਂਟਰੀ ਓਪਰੇਟਰਾਂ ਦਾ ਵੀ ਧਿਆਨ ਰੱਖਿਆ ਜਾਵੇ ਤਾਂ ਕਿ ਉਹਨਾ ਦੀ ਨੋਕਰੀ ਨੂੰ ਵੀ ਸੁਰੱਖਿਅਤ ਰੱਖਿਆ ਜਾ ਸਕੇ।
ਇਸ ਮੀਟਿੰਗ ਵਿੱਚ ਪੰਜਾਬ ਭਰ ਦੇ ਵੱਖ—ਵੱਖ ਕਾਲਜਾਂ ਦੇ ਪ੍ਰਧਾਨ ਸਾਹਿਬਾਨ ਸ਼ਾਮਲ ਹੋਏ।ਇਸ ਮੌਕੇ ਕੇਵਲ ਸਿੰਘ ਮੁਕਤਸਰ, ਦਵਿੰਦਰ ਸਿੰਘ ਢੁਡੀਕੇ, ਵਿਕਰਮਜੀਤ ਸਿੰਘ ਅਤੇ ਸੰਤੋਖ ਸਿੰਘ ਸੰਗਰੂਰ,
ਕਬਲਦੀਪ ਸਿੰਘ ਕੋਟਕਪੁਰਾ, ਜ਼ਸਪਾਲ ਸਿੰਘ ਮਲੇਰਕੋਟਲਾ, ਰਘਵੀਰ ਸਿੰਘ ਰੋਪੜ, ਪਰਮਜੀਤ ਸਿੰਘ ਪੰਮਾ ਫਰੀਦਕੋਟ, ਕੁਲਵਿੰਦਰ ਕੁਮਾਰ ਲੁਧਿਆਣਾ, ਗੁਰਦੀਪ ਸਿੰਘ ਪਟਿਆਲਾ, ਜਰਨੈਲ ਸਿੰਘ ਅਜਨਾਲਾ, ਹੇਮਰਾਜ ਗੁਰੂ ਕਾ ਖੂਹ, ਸੰਦੀਪ ਸਿੰਘ ਅਤੇ ਗੁਰਪ੍ਰੀਤ ਸਿੰਘ ਲੁਧਿਆਣਾ ਅਤੇ ਕੁਲਦੀਪ ਸਿੰਘ,ਲਖਵਿੰਦਰ ਸਿੰਘ ਬੰਟੀ ਸੁਨਾਮ ਆਦਿ ਹਾਜ਼ਰ ਸਨ।
