ਪਠਾਨਕੋਟ (ਰਾਜੇਸ ਜੈਨ) ਅਖਿਲ ਭਾਰਤੀ ਹਿੰਦੂ ਸੁਰੱਖਿਆ ਸਮਿਤੀ ਵੱਲੋਂ ਕਮੇਟੀ ਦੇ ਵਿਸਥਾਰ ਲਈ ਲਗਾਤਾਰ ਕੰਮ ਕੀਤਾ ਜਾ ਰਿਹਾ ਹੈ। ਇਸੇ ਤਹਿਤ ਅਖਿਲ ਭਾਰਤੀ ਹਿੰਦੂ ਸੁਰੱਖਿਆ ਸਮਿਤੀ ਪੰਜਾਬ ਦੇ ਪ੍ਰਧਾਨ ਦੀਪਕ ਭਾਰਦਵਾਜ, ਚੇਅਰਮੈਨ ਸੁਰਿੰਦਰ ਸਿੰਘ ਮਿਨਹਾਸ ਅਤੇ ਰਾਸ਼ਟਰੀ ਸਕੱਤਰ ਅਨਿਲ ਭਾਰਦਵਾਜ ਦੇ ਦਿਸ਼ਾ-ਨਿਰਦੇਸ਼ਾਂ ‘ਤੇ ਪਠਾਨਕੋਟ ਵਿਖੇ ਜ਼ਿਲ੍ਹਾ ਪ੍ਰਧਾਨ ਅਭਿਸ਼ੇਕ ਭਾਰਦਵਾਜ ਨੇ ਹਿੰਦੂ ਸੁਰੱਖਿਆ ਸਮਿਤੀ ਦੀ ਟੀਮ ਦਾ ਵਿਸਥਾਰ ਕਰਦੇ ਹੋਏ ਅੱਜ ਪਠਾਨਕੋਟ ਦੇ ਪੇ੍ਮ ਨਗਰ ਤੋਂ ਰਵੀ ਸ਼ਰਮਾ ਨੂੰ ਸਿਟੀ ਮੀਤ ਪ੍ਰਧਾਨ ਨਿਯੁਕਤ ਕੀਤਾ ਗਿਆ।ਉੱਥੇ ਹੀ ਇਸ ਨਿਯੁਕਤੀ ਪੋ੍ਗਰਾਮ ‘ਚ ਰਾਸ਼ਟਰੀ ਸਕੱਤਰ ਅਨਿਲ ਭਾਰਦਵਾਜ ਵੀ ਮੌਜੂਦ ਸਨ, ਜਿਨਾਂ੍ਹ ਨੇ ਨਵ-ਨਿਯੁਕਤ ਸਿਟੀ ਵਾਈਸ ਪ੍ਰਧਾਨ ਰਵੀ ਸ਼ਰਮਾ ਨੂੰ ਹਾਰ ਪਹਿਨਾਏ ਅਤੇ ਕਮੇਟੀ ਦੀ ਟੀਮ ਨੇ ਉਨਾਂ੍ਹ ਦਾ ਸਵਾਗਤ ਕੀਤਾ।
ਇਸ ਮੌਕੇ ਜਾਣਕਾਰੀ ਦਿੰਦੇ ਹੋਏ ਕਮੇਟੀ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਜਦੋਂ ਰਵੀ ਸ਼ਰਮਾ ਵਰਗੇ ਨੌਜਵਾਨ ਹਿੰਦੂ ਰਾਸ਼ਟਰ ਦੇ ਵਿਚਾਰ ਨਾਲ ਕਮੇਟੀ ਨਾਲ ਜੁੜਦੇ ਹਨ ਤਾਂ ਕਮੇਟੀ ਨੂੰ ਵੱਡਾ ਹੁਲਾਰਾ ਮਿਲਦਾ ਹੈ ਕਿਉਂਕਿ ਆਲ ਇੰਡੀਆ ਹਿੰਦੂ ਅੰਦੋਲਨ ਆਧਾਰਿਤ ਸਨਾਤਨ ਧਰਮ ‘ਤੇ ਸੁਰੱਖਿਆ ਕਮੇਟੀ ਵਿੱਚ ਸਾਰੇ ਧਰਮਾਂ ਦੇ ਲੋਕਾਂ ਦਾ ਸਵਾਗਤ ਹੈ। ਉਨਾਂ੍ਹ ਕਿਹਾ ਕਿ ਉਨਾਂ੍ਹ ਨੂੰ ਉਮੀਦ ਹੈ ਕਿ ਰਵੀ ਸ਼ਰਮਾ ਕਮੇਟੀ ਦੀਆਂ ਨੀਤੀਆਂ ਨੂੰ ਲੋਕਾਂ ਤੱਕ ਪਹੁੰਚਾਉਣ ਵਿੱਚ ਸਫਲ ਹੋਣਗੇ। ਇਸ ਮੌਕੇ ਨਵ-ਨਿਯੁਕਤ ਸਿਟੀ ਮੀਤ ਪ੍ਰਧਾਨ ਰਵੀ ਸ਼ਰਮਾ ਨੇ ਕਿਹਾ ਕਿ ਉਹ ਕਮੇਟੀ ਵੱਲੋਂ ਸੌਂਪੀ ਗਈ ਜ਼ਿੰਮੇਵਾਰੀ ਨੂੰ ਪੂਰੀ ਤਨਦੇਹੀ ਨਾਲ ਨਿਭਾਉਣਗੇ। ਉਨਾਂ੍ਹ ਕਿਹਾ ਕਿ ਉਹ ਕਮੇਟੀ ਦੀਆਂ ਨੀਤੀਆਂ ਨੂੰ ਦੇਖ ਕੇ ਹੀ ਕਮੇਟੀ ਨਾਲ ਜੁੜੇ ਹਨ ਅਤੇ ਉਹ ਜ਼ਿਲ੍ਹਾ ਪ੍ਰਧਾਨ ਅਭਿਸ਼ੇਕ ਭਾਰਦਵਾਜ ਅਤੇ ਸ਼ਹਿਰੀ ਪ੍ਰਧਾਨ ਸੁਨੀਲ ਕੁਮਾਰ ਨਾਲ ਮਿਲ ਕੇ ਕਮੇਟੀ ਦੀਆਂ ਨੀਤੀਆਂ ਦਾ ਹਰ ਪਾਸੇ ਪਸਾਰ ਕਰਨਗੇ। ਇਸ ਮੌਕੇ ਸਮਾਜ ਸੇਵਕ ਵਿਕਾਸ ਦੱਤਾ, ਰਾਕੇਸ਼ ਕੁਮਾਰ, ਵਿਨੋਦ ਕੁਮਾਰ, ਸ਼ਾਮ ਸਿੰਘ, ਵਿਕਾਸ ਸ਼ਰਮਾ, ਅਸ਼ੋਕ ਕੁਮਾਰ, ਅਜੇ ਸ਼ਰਮਾ, ਬਲਬੀਰ ਕੁਮਾਰ, ਵਿਨੋਦ ਸ਼ਰਮਾ, ਜਗਦੀਸ਼ ਚੰਦਰ ਆਦਿ ਹਾਜ਼ਰ ਸਨ।
